لندن (رم نیوز)برطانیہ کے وزیراعظم کیئر سٹارمر نے واضح کیا ہے کہ گرین لینڈ کے معاملے میں امریکہ کے دباؤ کے سامنے نہیں جھکیں گے اور برطانیہ اپنے قومی مفادات، اصولوں اور اقدار پر کسی قسم کا سمجھوتہ نہیں کرے گا۔

پارلیمنٹ سے خطاب کرتے ہوئے وزیراعظم نے کہا کہ ٹیرف کی دھمکیوں کے باوجود برطانیہ گرین لینڈ کے مستقبل سے متعلق اپنے مؤقف پر قائم ہے اور کسی بیرونی دباؤ کو قبول نہیں کیا جائے گا۔

اپوزیشن لیڈر کیمی بیڈینوک نے بھی وزیراعظم کے مؤقف کی حمایت کرتے ہوئے کہا کہ برطانیہ اپنی ملکیت والے علاقے کے لیے سالانہ 35 ارب پاؤنڈ ادا کر رہا ہے۔ انہوں نے تجویز دی کہ اس معاہدے کو ختم کر کے رقم برطانوی افواج کو مضبوط بنانے کے لیے استعمال کی جائے۔