کراچی(رم نیوز) شہرِ قائد میں آج ہواؤں کی رفتار تھمنے اور سورج کی تمازت بڑھنے کے باعث موسم گرم اور خشک رہنے کا امکان ہے۔ محکمہ موسمیات نے کراچی سمیت سندھ کے مختلف اضلاع میں آج سے درجہ حرارت میں اضافے کا الرٹ جاری کر دیا ہے۔محکمہ موسمیات کے مطابق آج شہر کا موسم نسبتاً گرم رہے گا، جس کی تفصیلات درج ذیل ہیں۔ آج پارہ 34 سے 36 ڈگری سینٹی گریڈ تک جانے کا امکان ہے۔

آج صبح کم سے کم درجہ حرارت 23.5 ڈگری سینٹی گریڈ ریکارڈ کیا گیا۔ فضا میں نمی کا تناسب 80 فیصد ہے، جس کی وجہ سے گرمی کی شدت اصل درجہ حرارت سے زیادہ محسوس کی جا سکتی ہے۔ محکمہ موسمیات نے واضح کیا ہے کہ جمعہ 10 اپریل سے صوبہ سندھ میں گرمی کی شدت بڑھے گی اور کل (11 اپریل) سے اس میں مزید اضافے کا خدشہ ہے۔ تاہم، ماہرین کا کہنا ہے کہ فی الحال باقاعدہ 'ہیٹ ویو' جیسی خطرناک صورتحال کا امکان نہیں ہے، لیکن شہریوں کو احتیاط کرنی چاہیے۔