بیجنگ(رم نیوز)بحرالکاہل کے خطے میں واقع ملک فجی کے جزائر زلزلے کے جھٹکوں سے لرز اٹھے۔ جرمنی کے جیوفزیکل ریسرچ سینٹر کے مطابق ریکٹرسکیل پر زلزلے کی شدت 5.9 ریکارڈ کی گئی ہے۔ عالمی میڈیا کی رپورٹس کے مطابق زلزلے کا مرکز فجی جزائر کا جنوبی علاقہ تھا، جبکہ اس کی گہرائی 173.3 کلومیٹر زیرِ زمین ناپی گئی۔ زلزلے کی زیادہ گہرائی کی وجہ سے سطح زمین پر تباہی کا خطرہ کم رہا۔ ابتدائی اطلاعات کے مطابق زلزلے کے نتیجے میں تاحال کسی جانی یا مالی نقصان کی اطلاع موصول نہیں ہوئی، تاہم مقامی حکام اور عالمی مانیٹرنگ ادارے صورتحال پر نظر رکھے ہوئے ہیں۔