کراچی (رم نیوز) صدرِ مملکت آصف علی زرداری اور وفاقی وزیر محسن نقوی کے درمیان کراچی میں ایک اہم ملاقات ہوئی ہے، جس میں ملک کے اہم ترین قومی اور داخلی امور پر تفصیلی بات چیت کی گئی۔ ذرائع کے مطابق دونوں رہنماؤں کے درمیان ہونے والی یہ اہم بیٹھک تقریباً دو گھنٹے تک جاری رہی۔ ملاقات کے دوران ملک کی مجموعی سیاسی صورتحال اور داخلی سکیورٹی کے معاملات پر گہرائی سے غور کیا گیا۔ اس طویل ملاقات کو موجودہ ملکی منظرنامے میں ایک اہم پیش رفت قرار دیا جا رہا ہے، جہاں داخلی سکیورٹی سمیت مختلف حکومتی و انتظامی امور اور درپیش چیلنجز پر مستقبل کی حکمتِ عملی کے حوالے سے تفصیلی مشاورت کی گئی۔