تہران(رم نیوز) اسرائیل کی جانب سے مغربی اور وسطی ایران میں فوجی اہداف کو نشانہ بنانے کے دعوؤں کے بعد ایران کے متعدد شہر شدید دھماکوں سے گونج اٹھے ہیں۔ ایرانی سرکاری میڈیا نے ملک کے اہم اور بڑے شہروں میں ہونے والے ان دھماکوں کی باقاعدہ تصدیق کر دی ہے۔ ایرانی سرکاری ٹیلی ویژن نے اپنے آفیشل ٹیلیگرام چینل پر ایک ہنگامی بیان جاری کرتے ہوئے بتایا کہ دارالحکومت تہران، اصفہان اور تبریز میں یکے بعد دیگرے کئی زوردار دھماکوں کی آوازیں سنی گئی ہیں۔ اس کے ساتھ ہی اطلاعات کے مطابق وسطی شہر کرج کے قریبی علاقوں میں بھی دھماکے ہوئے ہیں۔ ان دھماکوں کے بعد ایران بھر میں فضائی دفاعی نظام (ایئر ڈیفنس سسٹم) کو فعال کر دیا گیا ہے اور صورتحال پر گہری نظر رکھی جا رہی ہے۔