لندن(رم نیوز)برطانوی وزیرِ اعظم کیئر سٹارمر کے بارے میں اطلاعات ہیں کہ وہ اپنی جماعت کے اندر بڑھتے ہوئے دباؤ کے باعث جلد اپنے عہدے سے علیحدگی کا اعلان کر سکتے ہیں۔ ذرائع کے مطابق کابینہ کے کئی سینئر ارکان نے انہیں اقتدار کی منتقلی کے لیے واضح لائحۂ عمل اختیار کرنے کا مشورہ دیا ہے۔ سیاسی حلقوں میں یہ بھی کہا جا رہا ہے کہ حالیہ ضمنی انتخاب کے نتائج کے بعد اینڈی برنہم، کیئر سٹارمر کے ممکنہ جانشین کے طور پرسامنے آرہے ہیں ۔ تاہم، وزیرِ اعظم کی جانب سے ابھی تک کسی حتمی فیصلے یا استعفے کا باضابطہ اعلان نہیں کیا گیا ہے۔