جنیوا(رم نیوز) سوئٹزرلینڈ نے پاکستان اور قطر کی ثالثی میں امریکہ اور ایران کے درمیان ہونے والے حالیہ سفارتی بریک تھرو کا خیرمقدم کیا ہے۔ مشترکہ اعلامیے پر ردعمل دیتے ہوئے سوئس حکومت نے دونوں فریقین کے مابین 60 روز کے اندر حتمی معاہدے کے روڈ میپ پر اتفاق کو ایک بڑی کامیابی قرار دیا۔ سوئس وزارتِ خارجہ کے مطابق، برگن سٹاک میں ہونے والے ان اہم مذاکرات کے بعد ایک 'اعلیٰ سطحی کمیٹی' قائم کی جا رہی ہے جو اگلے مرحلے کے سیاسی اور تکنیکی عمل کو منظم کرے گی۔ سوئٹزرلینڈ نے عزم دہرایا ہے کہ وہ خطے میں کشیدگی کی کمی اور پائیدار امن کے لیے اپنا سفارتی تعاون جاری رکھے گا۔
برگن سٹاک مذاکرات: امریکہ اور ایران میں 60 روزہ روڈ میپ پر اتفاق، سوئٹزرلینڈ کا خیرمقدم
