واشنگٹن (رم نیوز) امریکی صدر ڈونلڈ ٹرمپ نے اعلان کیا ہے کہ 'بورڈ آف پیس' نے غزہ میں حماس اور دیگر مسلح گروہوں کے مکمل غیر مسلح ہونے کا تاریخی معاہدہ کر لیا ہے۔ امریکی صدر نے اپنے سوشل میڈیا پلیٹ فارم ٹروتھ سوشل پر بیان جاری کرتے ہوئے بتایا کہ یہ معاہدہ دیرپا امن، سلامتی اور غزہ میں نئی فلسطینی حکومت کے قیام کی جانب ایک اہم سنگِ میل ہے۔

اس معاہدے کو مرحلہ وار اور منظم طریقے سے نافذ کیا جائے گا، اور جیسے ہی غزہ کو غیر مسلح کرنے کا عمل مکمل ہوگا، اسرائیلی افواج وہاں سے واپس چلی جائیں گی۔ صدر ٹرمپ کے مطابق، معاہدے کے تحت ایک بین الاقوامی استحکام فورس فلسطینی پولیس کے ساتھ مل کر غزہ کی سکیورٹی اور انتظامی ذمہ داریاں سنبھالے گی۔