قاہرہ (رم نیوز) سعودی ولی عہد شہزادہ محمد بن سلمان کا قاہرہ کا دورہ، جہاں انہوں نے مصر کے صدر عبدالفتاح السیسی سے اہم ملاقات کی۔ ملاقات کے دوران دونوں رہنماؤں نے خطے کے اہم مسائل اور باہمی دلچسپی کے امور پر تفصیلی تبادلہ خیال کیا۔ اس موقع پر باب المندب اور بحیرہ احمر میں محفوظ بحری آمدورفت کو یقینی بنانے کی اہمیت پر زور دیا گیا۔ مصری صدر عبدالفتاح السیسی نے سعودی عرب کی سلامتی و استحکام کے لیے کیے جانے والے اقدامات کو سراہتے ہوئے مملکت کے لیے بھرپور حمایت کا اعادہ کیا۔ اس کے علاوہ، ملاقات میں یمن کے تنازع کے پائیدار اور سیاسی حل کے لیے سعودی عرب کی جاری کوششوں کی بھی مکمل حمایت کا اظہار کیا گیا۔
سعودی ولی عہد کی مصری صدر سے ملاقات، بحیرہ احمر میں بحری سلامتی اور خطے کے امور پر گفتگو
