دبئی(رم نیوز)انٹرنیشنل کرکٹ کونسل (آئی سی سی) نے اگست کے مہینے کے لیے "پلیئر آف دی منتھ" ایوارڈز کے فاتحین کا باضابطہ اعلان کر دیا ہے۔ مردوں کے زمرے میں سری لنکا کے ابھرتے ہوئے بیٹر سونال ڈینوشا نے شاندار کارکردگی کی بنیاد پر اگست کا "مینز پلیئر آف دی منتھ" ایوارڈ اپنے نام کر لیا ہے۔ انہوں نے بھارت کے خلاف دو ٹیسٹ میچوں میں تین شاندار سنچریاں اسکور کر کے یہ اعزاز پہلی بار اپنے نام کیا۔
اس زمرے کے لیے انگلینڈ کے اولی رابنسن اور بنگلہ دیش کے حسن محمود بھی نامزد تھے مگر سونال ڈینوشا سب پر سبقت لے گئے۔ خواتین کے زمرے میں آئل آف مین کی کپتان لوسی بارنیٹ نے "ویمنز پلیئر آف دی منتھ" کا ایوارڈ جیت کر تاریخ رقم کر دی ہے۔ وہ آئی سی سی کی تاریخ میں یہ اعزاز حاصل کرنے والی آئل آف مین کی پہلی کھلاڑی بن گئی ہیں۔ ویمنز ایوارڈ کے لیے تھائی لینڈ کی سلی پورن لاؤمی اور نناپٹ کونچارونکینائی بھی نامزدگی کی دوڑ میں شامل تھیں۔
