ماسکو(رم نیوز)روس کے علاقے سائبیریا (ایرکٹسک) میں طاعون پر تحقیق کرنے والے ایک انسٹی ٹیوٹ کی لیبارٹری ورکر پراسرار حالات میں جان کی بازی ہار گئی ہیں۔ اس واقعے کے بعد حکام نے احتیاطی تدابیر کے طور پر درجنوں افراد کو قرنطینہ کر دیا ہے، جبکہ روس کے ہیلتھ واچ ڈاگ کے سربراہ نے بھی صورتحال کا جائزہ لینے کے لیے متاثرہ علاقے کا دورہ کیا ہے۔
اگرچہ موت کی اصل وجوہات فی الحال غیر واضح ہیں اور حکام کا کہنا ہے کہ وہ نمونیا کی ایک قسم سے ہلاک ہوئی ہیں، تاہم سوشل میڈیا پر عوامی صحت کے حوالے سے خدشات پائے جاتے ہیں۔ روسی حکام کا اصرار ہے کہ صورتحال مکمل طور پر قابو میں ہے۔ ڈبلیو ایچ او کے مطابق، اب تک دستیاب معلومات کی بنیاد پر عام آبادی کو صحت کا خطرہ کم ہے۔
