پنڈی ٹیسٹ: سری لنکا 316 رنز پر آؤٹ، پاکستان کو جیت کے لیے 90 رنز کا ہدف

راولپنڈی(رم نیوز) پاکستان اور سری لنکا کے درمیان راولپنڈی کرکٹ سٹیڈیم میں کھیلے جا رہے دوسرے ٹیسٹ میچ میں مہمان ٹیم دوسری اننگز میں 316 رنز بنا کر پویلین لوٹ گئی، جس کے بعد پاکستان کو فتح کے لیے 90 رنز کا ہدف ملا ہے۔ محمد عباس نے سری لنکا کی آخری وکٹ حاصل کر کے دوسری اننگز کا خاتمہ کیا۔

پاکستان کی جانب سے دوسری اننگز میں محمد عباس اور عامر جمال نے 3، 3 کھلاڑیوں کو آؤٹ کیا، رضا اللہ نے 2 وکٹیں حاصل کیں جبکہ ثاقب خان اور سلمان علی آغا نے ایک، ایک وکٹ لی۔ واضح رہے کہ کپتان بابر اعظم نے ٹاس جیت کر پہلے فیلڈنگ کا فیصلہ کیا تھا، جس پر سری لنکن ٹیم پہلی اننگز میں صرف 98 رنز پر ڈھیر ہو گئی تھی۔ جواب میں پاکستان نے پہلی اننگز میں 325 رنز بنا کر 227 رنز کی برتری حاصل کی تھی۔