کراچی (رم نیوز)اداکارہ ماہرہ خان نے وائرل ہونے کا آسان طریقہ بتادیا ہے۔کچھ روز قبل ماہرہ خان کے بھی سوشل میڈیا پر کافی چرچے رہے اور اداکارہ پر خوب میمز بنائی گئیں۔ ماہرہ ان دنوں فہد مصطفیٰ کے ساتھ اپنی آنے والی فلم قائد اعظم زندہ آباد کی تشہیر میں مصروف ہیں۔اسی حوالے سے ماہرہ نے ایک پروگرام میں شرکت کی جہاں انہوں نے سینئر اداکار نعمان اعجاز کی عمر سے متعلق بات کی۔ ماہرہ نے جواب انگلش میں دیا لیکن الفاظ کا انتخاب نہ کرسکیں اور اپنی بات ادھوری کہی جس کے بعد مذکورہ کلپ سوشل میڈیا پر وائرل ہوگیا۔تاہم اب ایک اور پروگرام کے دوران ماہرہ سے میزبان نے آج کے دور میں وائرل ہونے کا آسان طریقہ پوچھا۔اس پر انہوں نے جواب دیا کہ وائرل ہونے کا یہ بہت اچھا طریقہ ہے کہ آپ کسی کو بھی بری بات کہہ دیں، خود مشہور نہیں ہوسکتے تو کسی مشہور شخص پر تنقید شروع کردو۔