پی سی بی ہال آف فیم میں شامل نئے خوش قسمت کون ہیں؟

لاہور(رم نیوز)پی سی بی نے ہال آف فیم کے نئے ممبران کے ناموں کا اعلان کر دیا ہے۔پی سی بی نے گزشتہ سال آئی سی سی طرز کا ہال آف فیم متعارف کروایا تھا، پی سی بی نے گزشتہ سال ہال آف فیم میں 6 سابق کھلاڑیوں کو شامل کیا تھا۔اب پاکستان کرکٹ بورڈ نے ہال آف فیم میں 2 نئے ممبران کو شامل کیا ہے۔سابق کپتان قومی ٹیم فضل محمود اور عبدالقادر کو بھی پی سی بی ہال آف فیم میں شامل کیا گیا ہے۔ فضل محمود نے 1952 سے 1962 تک پاکستان کی نمائندگی کی اور انہوں نے ٹیسٹ کرکٹ میں 139 وکٹیں حاصل کیں۔

لیجنڈ سپنر عبدالقادرنے 67 ٹیسٹ میچز میں 236 اور 104 ون ڈے میچز میں 132 وکٹیں حاصل کیں۔اس سے قبل حنیف محمد، عمران خان، جاوید میاندار اور ظہیر عباس کو پی سی بی ہال آف فیم کا حصہ بنایا گیاتھا، وسیم اکرم اور وقار یونس بھی پی سی بی ہال آف فیم کا حصہ ہیں۔