کولمبو سے ٹیسٹ گال منتقل ہونے پر فائدہ کس کو ہوا؟

کراچی(رم نیوز)قومی ٹیم کے کپتان بابراعظم نے کہا سری لنکا کے دورے کے لیے اچھی تیاری کی تھی اور یہ دورہ بہترین رہا ہے۔ سری لنکا کے خلاف ٹیسٹ سیریز سے قبل پریکٹس میچ سے کافی فائدہ ملا اور مقامی کنڈیشن کا پتا لگ گیاہے۔دوسرے ٹیسٹ میچ میں بدقسمتی سے مشکل کنڈیشن دیکھنے کو ملی، تاہم مجموعی طورپر پورے دورے میں کھلاڑیوں نے بہترین پرفارمنس دی ہے ۔ ٹیسٹ میچ میں برداشت اور صبر سب سے بڑا ہتھیارہوتا ہے، ہماری دوسرے ٹیسٹ میں پارٹنرشپ نہیں لگی۔

بائولنگ سے متعلق کہنا تھا یاسرشاہ، نسیم شاہ اور باقی بالرز نے بہترین بائولنگ کی۔کولمبو سے دوسرا ٹیسٹ گال منتقل ہوا جس سے سری لنکا کو فائدہ ہوا تاہم پوری ٹیم نے ایک ہوکر میچز کھیلے جو کہ اچھی بات ہے۔ 10 دن کے بعد نیدرلینڈز کے ساتھ سیریز کی تیاریاں شروع کررہے ہیں۔ امارت کی کنڈیشن کوسمجھتے ہیں ، ایشیاء کپ کے لئے بھرپور تیار ہیں۔