سری لنکا، سرکاری ملازمین کے حوالے سے انوکھافیصلہ؟

کولمبو(رم نیوز)معاشی مشکلات کے شکار ملک سری لنکا نے سرکاری ملازمین کو ہر ہفتے ایک اضافی چھٹی دیتے ہوئے ہدایت کی وہ ملک میں اشیائے خورونوش کی قلت دور کرنے کے لیے اپنے گھروں میں فصلیں اگائیں۔سری لنکا میں متعدد اشیائے خورونوش کی قلت ہوگئی ہے، ایندھن اور ادویات دستیاب نہیں ہے جبکہ مہنگائی کی شرح میں مسلسل اضافہ ہورہا ہے جس کے باعث عوام کے لیے خوراک کا حصول مشکل ہوتا جارہا ہے۔سری لنکن کابینہ کی جانب سے جاری ایک بیان میں سرکاری ملازمین کو ہر جمعے ایک اضافی چھٹی دینے کا اعلان کیا گیاہے۔بیان کے مطابق کاروباری ہفتے میں ایک اضافی چھٹی سے سرکاری ملازمین کو اپنے گھروں کے احاطے میں زرعی کام کرنے میں مدد مل سکے گی۔