تھائی لینڈ کے نائٹ کلب میں آتشزدگی

بنکاک(رم نیوز)تھائی لینڈ کے نائٹ کلب میں آتشزدگی کے باعث 13 افراد ہلاک اور 41 زخمی ہو گئے ہیں۔ تھائی لینڈ کے جنوب مشرقی صوبے چھونبوری میں کلب ماؤنٹین بی نائٹ سپاٹ میں آگ بھڑک اٹھی۔پولیس کے مطابق کلب کی دیواروں پر فوم لگے ہوئے تھے جس کی وجہ سے آگ تیزی سے پھیلی اورکئی لوگوں کو جان بچانے کا موقع نہ مل سکا۔ واقعے کی اطلاع ملتے ہی فائر بریگیڈ موقع پر پہنچی اور 2 گھنٹے میں آگ پر قابو پالیا۔ہلاک ہونے والوں میں 4 خواتین اور 9 مرد شامل ہیں۔پولیس نے تحقیقات شروع کردی ہیں۔ تھائی وزیراعظم جنرل برایوت چن اوچا نے کلبز کے مالکان سے کہا ہے اپنے ہاں ہنگامی اخراج کے رستے بنائیں۔