سعودی خواتین کی ایک اور کامیابی۔۔۔۔اب حرمین ٹرین چلائیں گی

ریاض(رم نیوز)سعودی عرب میں جلد تربیت یافتہ خواتین حرمین ٹرین چلائیں گی۔ سعودی حکام کا کہنا تھا ٹرانسپورٹ کے نظام کا دائرہ مختلف شعبوں تک پھیلا ہوا ہے۔سعودی وزیر برائے ٹرانسپورٹ و لاجسٹک خدمات صالح الجاسر نے کہاآئندہ چند ماہ کے دوران حرمین ایکسپریس کو تربیت یافتہ سعودی خواتین چلانے لگیں گی۔ خواتین ایسے تمام شعبوں میں شامل ہوگئی ہیں جن میں وہ اپنی صلاحیت کے جوہر دکھانا چاہتی ہیں۔ ہر میدان میں خواتین کی شرکت بڑے پیمانے پر بڑھتی جا رہی ہے۔ اس تناظر میں باصلاحیت خواتین صنعت، سیاحت، حج اور عمرے کے شعبوں میں بھی بڑے پیمانے پر کام کرتی ہوئی نظر آئیں گی۔ آنے والے دنوں میں سعودی عرب کے مشرقی علاقے کو مغربی علاقے سے ریلوے لائن سے جوڑنے کا منصوبہ شروع کردیا جائے گا۔