کیوشو(رم نیوز)جاپان میں سمندری طوفان کی شدت سے ٹکرانے کے بعد تباہ کاریاں جاری ہیں، سمندری طوفان نانماڈول کے باعث جاپان کو مٹی کے تودے گرنے اور سیلابی صورت حال کا سامنا ہے۔ ریسکیو ورکرکے مطابق مٹی کے تودوں اور سیلابی صورتحال کے حوالے سے وارننگ جاری کردی گئی تھی۔ طوفان کے کیوشو کے جنوبی جزیرے سے ٹکرانے سے 4 افراد ہلاک اور 90 افراد زخمی ہوئے ہیں۔ سمندری طوفان سے کیوشو میں طوفانی ہواؤں کے ساتھ شدید بارش ہوئی جس سے سیلابی صورت حال پیدا ہوئی ہے اور پہاڑی علاقوں میں لینڈ سلائیڈنگ بھی جاری ہے۔میڈیا رپورٹ کے مطابق 9 ملین لوگوں کو محفوظ مقام پر منتقل ہونے کی ہدایت جاری کردی گئی تھیں، 3 لاکھ 50 ہزار کے قریب گھر اس وقت بجلی سے محروم ہیں۔اگلے 24 گھنٹوں میں متاثرہ علاقوں میں 400 ملی میٹر بارش ہونے کا امکان ہے۔