مسقط(رم نیوز)عمان حکومت نے آئندہ سال سے ملک میں پلاسٹ تھیلیوں کی درآمد پر پابندی عائد کرنے کا اعلان کر دیاہے۔ وزارت تجارت و صنعت اور سرمایہ کاری کا کہنا ہے کہ جنوری 2023 سے پلاسٹک کے تھیلیوں کی درآمد پر پابندی ہوگی۔ڈائریکٹر جنرل سامی الساحب کے مطابق وزارت کا یہ فیصلہ ماحولیات کو نقصان پہنچانے والی مصنوعات کی بندش کی حکمت عملی کا حصہ ہے۔ انوائرنمنٹ اتھارٹی کے ساتھ مل کر لیا گیا مذکورہ فیصلہ کارخانوں کو ان درآمدی مصنوعات سے مقابلے کرنے کے لیے سپورٹ کرے گا جو ماحول کے لیے ٹھیک نہیں ہے۔ اس فیصلے سے پلاسٹک کی مقامی پیداواری فیکٹریوں پر کوئی اثر نہیں پڑے گا۔