کراچی(رم نیوز)بھارتی ایئر لائن کے طیارے کو دوران پرواز مسافر کی طبیعت خراب ہونے پر کراچی ایئرپورٹ پر ہنگامی لینڈنگ کرنا پڑی۔ بھارت کی نجی ایئرلائن کی فلائٹ نئی دہلی سے قطر کے دارالحکومت دوحہ جا رہی تھی۔ مسافر کی طبیعت خراب ہونے کی وجہ سے کپتان نے کراچی ایئر ٹریفک کنٹرول سے ہنگامی لینڈنگ کی اجازت مانگی۔میڈیکل ایمرجنسی کی وجہ سے طیارے کو لینڈنگ کی اجازت دی گئی۔

لینڈنگ کے بعدسی اے اے اور وفاقی وزارت صحت کے ڈاکٹروں نے مسافر کا معائنہ کیا۔ذرائع کا کہنا ہے مسافر لینڈنگ سے قبل ہی دوران پرواز انتقال کر گیا تھا۔ مسافر نائیجیریا کا شہری ہے۔سی اے اے اور وزارت صحت کے ڈاکٹروں نے مسافر کا ڈیتھ سرٹیفکیٹ جاری کر دیا، بھارتی طیارہ واپس اپنی منزل کی جانب روانہ ہوگیا۔