ریاض(رم نیوز)سعودی عرب نے غزہ کے لیےامدادی سامان بھجوایا ہے۔ ایمبولینسز سے بھرے 2 طیارے مصر بھجوا دیے گئے ہیں۔ سعودی عرب کی طرف سے فلسطینی زخمیوں کو انسانی بنیادوں پر مدد دینے کے لیے مزید دو طیاروں پر ایمبولنسز بھجوا دی گئیں۔ یہ ایمبولنسز سے بھرے طیارے مصر میں لینڈ کر چکے ہیں۔

اگلا مرحلہ ان ایمبولنسز کو غزہ میں ہونے والے زخمیوں کو ہسپتالوں میں منتقل کرنے کا ہوگا۔ سعودی عرب کی طرف سے فلسطینیوں کے لیے امدادی سامان شاہ سلمان ریلیف سنٹر کی طرف سے یہ سامان انسانی بنیادوں پر بھیجا گیا ہے۔ سعودی خبر رساں ادارے کے مطابق 8 لاکھ ڈونرز سے فلسطینیوں کے لیے 133ملین ڈالر کی امداد جمع کی گئی ہے۔ یہ 'انیشیوٹیو' شاہ سلمان ریلیف سنٹر نے لیا تھا۔