ریاض (رم نیوز) سعودی عرب کی وزارتِ دفاع نے ملک کے مشرقی حصے میں ایک اور ڈرون حملے کو ناکام بنانے کی تصدیق کر دی ہے۔الجزیرہ ٹی وی کے مطابق سعودی وزارتِ دفاع کے سرکاری ترجمان کا کہنا ہے کہ سعودی فورسز نے ملک کے مشرقی علاقے کی جانب آنے والے ایک مسلح ڈرون کو فضا میں ہی روک کر کامیابی سے تباہ کر دیا۔ ترجمان نے واضح کیا کہ دفاعی نظام کسی بھی خطرے سے نمٹنے کے لیے مکمل الرٹ ہے۔ یہ کارروائی اس وقت سامنے آئی ہے جب اس سے قبل سعودی فورسز نے دارالحکومت ریاض کے جنوب مشرق میں واقع الخرج کے علاقے میں دو بیلسٹک میزائل مار گرائے تھے۔